Popular Bible Verses from Whakatauki 10

Share

Ka hua te taonga i tā Ihowā manaaki; kāhore hoki e kīnakitia e ia ki te pōuri.

E kore ngā kupu maha e hapa i te kino; he mahara nui ia te tangata he ngutu kokopi nei ōna.

Ko tō te mauāhara he whakaoho i ngā totohe; ko tō te aroha he hīpoki i ngā hē katoa.

He rawakore te tukunga iho o te ringa ngehe; mā te ringa kakama ia ka hua te taonga.

Kei te ara ki te ora te tangata e pupuri ana i te kupu ako; ko te tangata ia e kore e pai kia rīria tōna hē, ka kotiti kē.

Ko te tangata haere tika, e haere ora ana; ko te tangata parori kē ōna ara, ka mōhiotia ia.

Ko te wehi ki a Ihowā e whakaroa ana i ngā rā; ka whakapotoa mai ia ngā tau o te hunga kino.

E kore a Ihowā e tuku i te wairua o te tangata tika kia hemokai; ka panā atu ia e ia te hiahia o te hunga kino.

Pahure rawa ake te tūkauati kua kore te hunga kino; tēnā ko te tangata tika he tūranga pūmau tērā.