Popular Bible Verses from Heremaia 8

Share

Kāhore ianei he hinu whakaora i Kireara? Kāhore ianei ō reira rata? He aha rā tē hoki mai ai te ora ki te tamāhine a tāku iwi?

“Mea atu anō ki a rātou, ‘Ko te kupu tēnei a Ihowā: Ka hinga rānei, ā, kore ake e ara? Ka tahuri atu rānei ia, ā, kore ake e tahuri mai?

Āe rā, ko te tāka i te rangi, e mōhio ana ki ngā wā i whakaritea mōna, ko te kūkupa anō, ko te kareni, me te warou, mahara tonu rātou ki te wā e haere mai ai rātou; ko tāku iwi ia, kāhore e mōhio ki tā Ihowā i whakarite ai.

I whakarongo ahau, i rongo anō, kīhai i tika ā rātou kōrero. Kīhai tētahi i rīpenetā ki tōna kino, kīhai i mea, “He aha tāku i mea ai?” Anga ana te katoa ki tāna oma, ki tāna oma, pērā ana me te hōiho e kōkiri atu ana ki te tatauranga.

Ko te hunga whakaaro nui, whakamā ana rātou, wehi noa iho rātou, hopukia iho. Nanā, kua paopao nei rātou ki te kupu a Ihowā, ā, he pēhea te whakaaro nui i roto i a rātou?