Popular Bible Verses from Heremaia 6

Share

Ko te kupu tēnei a Ihowā: “E tū ki ngā ara, tirohia atu, uia ngā ara tawhito kei hea te ara pai, ka haere i reira, ā, ka kite koutou i te tānga manawa mō ō koutou wairua. Heoi, e kī mai ana rātou, ‘E kore mātou e haere i reira.’

Ko tā rātou rongoātanga hoki i te mamae o tāku iwi he hanga noa iho; e kī ana, ‘Ka mau te rongo, ka mau te rongo’; i te mea kāhore nei he maunga rongo.

Whakarongo, e te whenua; tēnei ahau te kawe mai nei i te kino mō tēnei iwi, i ngā hua o ō rātou whakaaro; mō rātou kīhai i whakarongo ki āku kōrero; ko tāku ture, paopaongia ake e rātou.

Ki a wai rā tāku kōrero, tāku whakaatu tikanga, e rongo ai rātou? Nanā, he mea kokotikore tō rātou taringa, tē whakarongo ai rātou. Nanā, hei tāwainga mā rātou te kupu a Ihowā, kāhore e arongia e rātou.