Popular Bible Verses from Heremaia 3

Share

Ā, ka hoatu e ahau he hēpara mō koutou, ko āku i pai ai, ka whāngaia anō koutou e rātou ki te mātauranga, ki te whakaaro pai.

“Hoki mai, e ngā tamariki tahuri kē, māku e rongoā ō koutou tahuritanga kētanga. “Tēnei mātou te haere atu nei ki a koe; ko koe hoki a Ihowā, tō mātou Atua.

Haere, karangatia ēnei kupu whaka te raki, mea atu: ‘Hoki mai, e Īharaira tahuri kē,’ e ai tā Ihowā. ‘E kore ahau e mea i tōku riri kia tau ki a koutou; he atawhai hoki ahau,’ e ai tā Ihowā; ‘e kore ahau e mauāhara tonu.

Whākina kautia tōu hē, arā kua kino koe ki a Ihowā, ki tōu Atua, kua whakamararatia atu e koe ōu ara ki ngā tāngata kē i raro i ngā rākau kōuru nui katoa, kīhai anō i rongo ki tōku reo,’ ” e ai tā Ihowā. “Hoki mai, e ngā tamariki tahuri kē,” e ai tā Ihowā; “kua mārenatia hoki koutou e ahau; ā, ka tangohia koutou e ahau, tētahi i roto i te pā, tokorua hoki i roto i te hapū, ka kawea anō koutou e ahau ki Hiona.