Popular Bible Verses from Ihāia 62

Share

E kore koe e kīia ā muri ake nei, He Mea Whakarere; heoi anō kīanga o tōu whenua, He Ururua; engari ka huaina koe, ko Hepetipa; tōu whenua, ko Peura; nō te mea ka āhuareka a Ihowā ki a koe, ā, ka whai tahu tōu whenua.

Kua oti he kaitiaki te whakarite e ahau ki ōu taiepa, e Hiruhārama; e kore e kopia te māngai i te ao, i te pō. E ngā kaiwhakahua o tō Ihowā ingoa, kei āta noho, kaua hoki e whakamutua tā koutou ki a ia, kia whakapūmautia rā anō a Hiruhārama e ia, kia meinga rā anō hei whakamoemiti i runga i te whenua.

Hei karauna ātaahua anō koe i te ringa o Ihowā, hei pōtae kīngi i te ringa o tōu Atua.

Kei te mārenatanga hoki o te taitamariki ki te wāhina te rite o te mārenatanga o āu tamariki ki a koe; kei te koa hoki o te tāne mārena hou ki te wahine mārena hou te rite o te koa o tōu Atua ki a koe.