Popular Bible Verses from Ihāia 6

Share

Nā, ka rongo ahau i te reo o te Ariki e mea ana, “Ko wai tāku e unga ai, ko wai tā tātou hei haere?” Anō rā ko ahau, “Tēnei ahau, ngarea ko ahau.”

Ā, i karanga rātou tētahi ki tētahi, i mea: “He tapu, he tapu, he tapu, a Ihowā o ngā mano; kī katoa te whenua i tōna korōria.”

Nā, ko tāku kīanga ake: “Auē te mate mōku! Ka ngaro hoki ahau; he tangata ngutu poke hoki ahau, e noho ana i waenganui i te iwi ngutu poke; kua kite nei hoki ōku kanohi i te kīngi, i a Ihowā o ngā mano!”

I te tau i mate ai a Kīngi Utia i kite ahau i te Ariki e noho ana i runga i te torōna, he tiketike, he mea whakarewa ake ki runga, kī tonu anō hoki te temepara i te remu o tōna.

Whakapāngia mai ana e ia ki tōku māngai, me tāna kī mai, “Nanā, kua pā tēnei ki ōu ngutu; nā, kua riro tōu hē, kua murua tōu hara.”

E tū ana ngā herapima i runga ake i a ia; e ono ngā parirau o tētahi, o tētahi: i hīpokina e ia tōna mata ki tētahi rua, ōna waewae hoki ki tētahi rua, ā, ko tētahi rua hei rere māna.

Nā, ko te rerenga mai o tētahi o ngā herapima ki ahau, he waro mura i tōna ringa, he mea tango mai e ia i te āta ki te kokopi.

Anō rā ko ia, “Haere, mea atu ki tēnei iwi: ‘Rongo noa koutou, e kore e mātau; titiro noa koutou, e kore e kite.’

Meinga te ngākau o tēnei iwi kia ngako, ō rātou taringa kia taimaha, whakamoea ō rātou kanohi; kei kite ō rātou kanohi, kei rongo ō rātou taringa, kei mātau ō rātou ngākau, ā, ka tahuri, ka whakaorangia.”