Popular Bible Verses from Ihāia 54

Share

E kore tētahi patu e hangā ana mōu e mārohirohi; ko ngā arero katoa e whakatika mai ana ki a koe ki te whakawā, māu anō e whakahē. Ko tā ngā pononga a Ihowā tēnei, tuku iho, tuku iho; nāku hoki rātou i tika ai,” e ai tā Ihowā.

Ko ngā maunga hoki ka riro kē, ko ngā pukepuke ka nekehia atu, tēnā ko tōku aroha e kore e rerekē i a koe, e kore anō e nekehia kētia te kawenata e mau ai taku rongo,” e ai tā Ihowā e atawhai nei i a koe.

“Kaua e wehi; tā te mea e kore koe e whakamā; kaua anō e numinumi, tā te mea e kore koe e whakamā; nō te mea ka wareware i a koe te whakamā o tōu tamāhinetanga; ā, heoi anō maharatanga ki te ingoa kino o tōu pouarutanga.

Ko tōu Kaihanga tāu tahu, ko Ihowā o ngā mano tōna ingoa; ko te Mea Tapu hoki o Īharaira tōu kaiwhakaora, ko te Atua o te whenua katoa ka huaina ki a ia.

“Kia rahi atu te tūranga mō tōu tēneti; kia mārō hoki ngā uhi o ōu nohoanga; aua e kaiponuhia; kia roa ōu taura, kia ū hoki ōu poupou.

Ā, ka whakaakona e Ihowā āu tamariki katoa; ka nui hoki te rangimārie ki āu tamariki.

He riri puhake, i huna ahau i tōku kanohi i a koe, he wāhi iti; he aroha mau tonu ia tōku e aroha ai ki a koe,” e ai tā Ihowā, tā tōu kaiwhakaora.

He iti te wāhi i mahue ai koe i ahau; he nui ia ngā atawhainga e kohikohi ai ahau i a koe.

“He pēnei hoki tēnei ki ahau me ngā wai i a Noa, i ahau i oati rā, e kore e hurihia anō te whenua e ngā wai i a Noa. Waihoki ka oati nei ahau, e kore ahau e riri ki a koe, e kore anō e whakatūpehupehu ki a koe.

Ka hangā anō e ahau ōu tihi ki te rupi, ōu tatau ki te karapanaka, ōu rohe katoa anō ki ngā kōhatu whakapaipai.