Popular Bible Verses from Ihāia 49

Share

“Tērā rānei e wareware i te wahine tāna kōhungahunga, ā, kore ake ōna aroha ki te tamaiti a tōna kōpū? E wareware anō rātou; ko ahau nei, e kore ahau e wareware ki a koe.

Nanā, kua tāia koe e ahau ki ngā kapu o ōku ringa; kei tōku aroaro tonu ōu taiepa.

Nā, ko te kupu tēnei a Ihowā: “Inā, ka tangohia mai ngā herehere a te tangata kaha, ka whakahokia mai anō ngā taonga pārau a te nanakia; ka ngangare anō ahau ki te tangata e ngangare ana ki a koe, ka whakaora hoki i āu tamariki.

āe rā, i mea ia, “He mea nohinohi kia waiho koe hei tangata māku, hei whakaara i ngā iwi o Hākopa, hei whakahoki mai i ngā oranga o Īharaira; ka hoatu anō koe e ahau hei mārama ki ngā tauiwi, kia ai koe hei whakaoranga māku, ā te pito rā anō o te ao.”

Waiata, e ngā rangi, kia hari hoki, e te whenua; kia pakaru mai tā koutou waiata, e ngā maunga! Ka whakamārie hoki a Ihowā i tāna iwi, ka aroha hoki ki āna kua tūkinotia nei.