Popular Bible Verses from Ihāia 46

Share

I te tīmatanga e whakaatu ana i ngā mea o te mutunga, ā, i ngā wā onamata ko ngā mea kāhore anō i meatia; i kī ahau: Ko te whakaaro i whakatakotoria e ahau mau tonu, ka oti anō i ahau tāku katoa i pai ai. Ka karangatia hoki e ahau he manu kai kino i te rāwhiti, ko te tangata kei a ia tōku whakaaro i te whenua tawhiti. Inā, kua kōrerotia nei e ahau, ka whakaputaina anō e ahau; kua takoto i ahau, ka oti anō i ahau.

tae noa atu ki tō koutou koroheketanga ko ahau tēnei, ka pīkaua anō koutou e ahau ā hina noa. Nāku i mahi, māku anō e mau; māku anō e pīkau, māku anō e whakaora.

Maharatia ngā mea tuatahi onamata; ko ahau hoki te Atua, kāhore kē atu; ko ahau te Atua, kāhore hoki tētahi hei rite mōku.

“Whakarongo ki ahau, e te whare o Hākopa, e ngā mōrehu katoa o te whare o Īharaira, he mea waha nei koutou nāku nō te kōpū mai anō, he mea pīkau nō roto mai rā anō i te puku