Popular Bible Verses from Ihāia 41

Share

Kaua e wehi; kei a koe nei hoki ahau; kaua anō e tirotiro; ko ahau nei hoki tōu Atua. Māku koe e whakakaha, āe rā, māku koe e āwhina, ka tautokona ake anō koe e te ringa matau o tōku tika.

Nō te mea ko ahau, ko Ihowā, ko tōu Atua, kei te pupuri i tōu matau, kei te mea ki a koe, ‘Kaua e wehi; ko ahau hei whakauru mōu.’

“Nanā, ka whakamā, ka numinumi kau te hunga katoa e riri ana ki a koe; ka rite ki te kāhore; ka ngaro te hunga e ngangare ana ki a koe.

ko tāku anō i tango mai ai i ngā pito o te whenua; he mea karanga nei hoki koe nāku i roto i ōna tōpito; ko tāku kupu hoki ki a koe, ‘Ko koe tāku pononga; he mea whiriwhiri koe nāku, kāhore koe e makā atu e ahau.’

Ka rapua rātou, ōu hoariri, e koe, ā, e kore e kitea; ko te hunga i whawhai ki a koe, ka rite ki te kāhore, ki te mōtī noa iho.

Kaua e wehi, e te kutukutu, e Hākopa, e ngā tāngata o Īharaira; māku koe e āwhina, e ai tā Ihowā, tā tōu kaihoko,” tā te Mea Tapu o Īharaira.

“Ko koe, e Īharaira, ko tāku pononga, ko Hākopa, ko tāku i whiriwhiri ai, ko te uri o tāku i aroha ai, o Āperahama

Ka whakapuaretia e ahau he awa ki ngā wāhi tiketike, he puna wai i waenganui i ngā raorao; ka meinga e ahau te koraha hei hārotoroto wai, te whenua maroke hei pupūtanga wai.

“E rapu ana ngā ware, ngā rawakore i te wai, ā, kāhore kau, hē ake ō rātou arero i te matewai; ka rongo ahau, a Ihowā, ki tā rātou; e kore ahau, te Atua o Īharaira, e whakarere i a rātou.

Nā wai oti tēnei i mahi, kārangaranga ai i ngā whakatupuranga mai i te tīmatanga! Ko ahau, ko Ihowā, ko te tīmatanga, ā, kei ngā whakamutunga, ko ahau nei.”

Ka whakatōkia e ahau te koraha ki te hīta, ki te kōwhai, ki te ramarama, ki te rākau hinu; ka tū i ahau te kauri ki te tītōhea, te rimu, rātou tahi anō ko te ake; kia kite ai rātou, kia mōhio ai, kia mahara ai, kia mātau ngātahi ai, he mea mahi tēnei nā te ringa o Ihowā; nā te Mea Tapu o Īharaira tēnei i hanga.”