Popular Bible Verses from Ihāia 35

Share

Nā, ko ā Ihowā i hoko ai ka hoki mai, ka haere mai i runga i te waiata ki Hiona; i runga i ō rātou māhunga ko te haringa e kore e mutu; ka whiwhi rātou ki te koa, ki te hari, ā, rere atu ana te pōuri me te auē.

Whakakahangia ngā ringa ngoikore, whakaūngia ngā turi ngonge. Mea atu ki te hunga ngākau pōtatutatu, “Kia kaha, kaua e wehi! Nanā, ka haere mai tō koutou Atua, me te rapu utu, me te whakautu a te Atua; ka haere mai anō ia ki te whakaora i a koutou.”

Ka whai huanui anō a reira, me tētahi ara, ka kīia hoki, Ko te Ara o te Tapu. E kore te poke e haere i reira; engari, ka waiho mō rātou, ā, ko te tangata haere ara, ahakoa he wairangi, e kore e hē ki reira.

Ko reira ngā kanohi o ngā matapō kite ai, ā, ka puare ngā taringa o ngā turi.

Ko reira te kopa tūpeke ai, ānō he hāta, ka waiata te arero o te whango. Nō te mea ka pakaru mai ngā wai i te koraha, ngā awa i te wāhi tītōhea.