Popular Bible Verses from Ihāia 30

Share

Ā, ka rongo ōu taringa i te kupu i muri i a koe e mea ana, “Ko te ara tēnei; nā konei atu, ina tahuri koutou ki matau, ina tahuri ki mauī.”

Nā konei anō a Ihowā ka tatari, he mea kia atawhaitia ai koutou e ia, nā konei anō ia ka whakanekehia ake, kia tohungia ai koutou e ia. He Atua whakawā hoki a Ihowā, ka hari te hunga katoa e tatari ana ki a ia.

Ko te kupu hoki tēnei a te Ariki, a Ihowā, a te Mea Tapu o Īharaira: “Mā te tahuri mai, mā te hūmārie ka ora ai koutou; kei te āta noho, kei te whakawhirinaki he kaha mō koutou; heoi kīhai koutou i pai.

Ahakoa hōmai e te Ariki hei taro mā koutou ko te ngākau mamae, hei wai anō ko te tūkino, e kore ōu kaiwhakaako e hunā ā muri; engari ka kite ōu kanohi i ōu kaiwhakaako.

Tērā hoki te iwi e noho ki Hiona, ki Hiruhārama; mutu ake tōu tangi. He pono ka aroha ia ki a koe, ki tōu reo e tangi ana; ka rongo ia ki a koe, ka whakahoki kupu ia ki a koe.

“Auē te mate mō ngā tamariki whakakeke,” e ai tā Ihowā, “e hanga whakaaro nei, otiia ehara i te mea nāku; e hīpoki nei i te hīpoki, ehara ia i te mea nā tōku wairua, he mea kia taparua iho ai e rātou he hara ki runga ki te hara