Popular Bible Verses from Ihāia 1

Share

“Tēnā rā, tātou ka kōrerorero,” e ai tā Ihowā. “Ahakoa i rite ō koutou hara ki te mea ngangana, ka pērā me te hukarere te mā; ahakoa i whero me te mea whakawhero, ka rite ki te huruhuru hipi.

Ki te mea ka pai koutou, ā, ka rongo, ka kai koutou i ngā mea pai o te whenua

ākona te mahi pai; rapua te whakawā; whakatikaia tā te tangata e tūkinotia ana; whakawākia tā te pani; tohea tā te pouaru.

ki te whakakāhore koutou, ā, ka tutū, ka pau koutou i te hoari. Kua kōrero hoki te māngai o Ihowā.”

Horoi i a koutou; kia mā; whakarērea atu te kino o ā koutou hanga i mua i ōku kanohi; kāti te mahi i te kino

Nā, ka wherahia mai ō koutou ringa, ka hunā e ahau ōku kanohi ki a koutou; āe rā, ka whakanuia e koutou te īnoi e kore ahau e rongo, kapi tonu ō koutou ringa i te toto.

Kāti te mau mai i ngā whakahere horihori; he mea whakarihariha ki ahau te whakakakara – te kōwhititanga marama, te hāpati, te karangatanga o ngā whakaminenga, e kore ahau e manawanui ki te kino, ki te huihui nui.

E mōhio ana te kau ki tōna ariki, te kāihe ki te takotoranga kai a tōna rangatira; ko Īharaira ia kāhore e mōhio, kāhore tāku iwi e whakaaro.”

Ko ā koutou kōwhititanga marama, ko ā koutou hākari whakarite, e kino ana tōku ngākau. He mea pōrearea ki ahau, he hanga whakahōhā.