Popular Bible Verses from Kaikauwhau 5

Share

Kei pōrahurahu tōu māngai, kei hohoro hoki te puaki o tētahi kupu a tōu ngākau i te aroaro o te Atua; nō te mea kei te rangi te Atua, ā, ko koe kei runga i te whenua; mō reira kia torutoru āu kupu.

Ko ngā tāngata katoa hoki i hōmai ai e te Atua he taonga, he rawa, i tukua mai ai ki a rātou te tikanga mō te kai i tētahi wāhi o aua mea, mō te tango i te wāhi mā rātou, ā, kia koa rātou i tō rātou māuiui – he mea hōmai tēnei nā te Atua.

Ko te tangata e aroha ana ki te hiriwa e kore e mākona i te hiriwa; ā, e kore hoki te tangata e whai ana ki ngā mea maha, ki ngā hua. He horihori anō tēnei.

Tiakina tōu waewae ina haere koe ki te whare o te Atua; he pai kē te whakatata ki te whakarongo i te hoatu i te patunga tapu a ngā wairangi; kāhore hoki rātou e mōhio he mahi kino tā rātou.

Ki te kīia taurangitia e koe tētahi mea mā te Atua, kei whakaroa koe ki te whakamana. E kore hoki ia e pai ki ngā wairangi; whakamanā e koe tāu i kī taurangi ai.

He pai kē ki te kore āu kī taurangi, i te puta i a koe o te kupu taurangi, ā, kāhore i whakamana e koe.

Ka reka tonu te moe a te tangata mahi, ahakoa iti tāna kai, nui rānei; ko te tangata taonga ia, e kore e tukua e āna mea maha kia moe.

Ka rite ki tōna haerenga mai i te kōpū o tōna whaea, ka hoki tahanga atu anō ia, ka pērā i tōna haerenga mai, e kore anō e riro i a ia tētahi wāhi mō tāna mahi hei maunga atu mā tōna ringa.