Popular Bible Verses from 1 Hamuera 2

Share

“Kāhore he mea tapu, ko Ihowā anake; kāhore kē atu, ko koe anake; kāhore anō hoki he kāmaka hei rite mō tō tātou Atua.

Whakaarahia ana e ia te iti i roto i te puehu; ara ana i a ia te rawakore i roto i te pūranga paru, ā, whakanohoia iho ki roto ki ngā rangatira, meinga ana kia whiwhi ki te torōna korōria. “Nō Ihowā rā hoki ngā pou tūranga o te whenua; ā, whakanohoia iho e ia te ao ki runga.

Māna ngā waewae o tāna hunga tapu e tiaki; ko te hunga kino ia ka whakanohoia ki roto ki te pōuri wahangū ai; ehara hoki te kaha i te mea e riro ai te pāpā i te tangata.

Ko Ihowā hei whakarawakore, ko ia hei whakawhiwhi ki te taonga; māna e whakaiti, māna anō hoki e whakaara.

“Ko Ihowā e whakamate ana, ā, ko ia e whakaora ana; māna e riro ai ki raro ki te rēinga, māna e kake ai ki runga.