Popular Bible Verses from Rom 5

Share

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Aitno lumu lange? Ma elio ka opru polou ke ite e ma aitno lite kro ine? Aurou. Ma aitno lite kro ine kovok. Ma itakakai Ida Tapolngon angaine tito ine vala. Ma itakakai angaine tito ine kesua iteile elio ka opru ite ma due aitno lite tipolou dagar lokono. Aitno lite tipolou dagar lokono ke Ida Tapolngon deka ma aitno itau ke ite. Deka ite ka Ida Tapolngon aitno itau ke ite ma aitno lite tipolou dagar lokono ke iye e ma itapara ke alo ka itodong kap iye.

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye. Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

E eknikane Ida Tapolngon due ite itopolou itau e osuk ke bitna batne ke Yesus ina metengen e ina marau ka kasip amunte. Itopolou itau e osuk ke Ida Tapolngon bitna batne ke Ida Kasipngen ka kasip amunte kodong. Deka Ida Tapolngon aitno epen ke ite. E ma aitno ila engil due ite kovok kesua batne Yesus kasip amunte kodong.

Oglou gute kene Adam dar Ida Tapolngon ila pelengon deka itosep ka pula keniye itopolou osep epmes ina ine. E mase dau tauni Yesus me dong e didi Ida Tapolngon ila pelengon keniye. E eknikane Ida Tapolngon due itosep pula itopolou itau e osuk ke bitna. Kesua batne oglou Yesus didi ila elio keniye vala.

E silang blang langane. Aitno lite itau lokono ke Ida Tapolngon. Kesua iye due mada ke ite e itopolou sisrok batne ke Ida Puda Yesus Krais.