Popular Bible Verses from 1 Korin 6

Share

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok. Pampamu lumu Ida Tapolngon ila wan kesua iye kli umu kodong. Deka wan ka pula keniye ka umodue ke pampamu lumu ma umakakai Ida Tapolngon angaine ine.

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang. E osep ka tipanako e osep ka tingale osep leklou urok wan e osep ke tinim aki dagar ma amtarsak balilu e osep ka amtarsak mluk osep leklou e osep ka tinak osep leklou urok wan. Osep ka langane ma tikaranga tidong ke omur ka Ida Tapolngon plaue kovok.

Aling aling ma umopul dogur ke elio okwa. Kesua gute ka due elio okwa due agegeng ke pampamu ine. E elio isuk isuk ka soulu leklou ka osep tidue isak tidue agegeng ke pampamu lisak kovok.

Osep leklou tiwai langane. “Wan ka pula keniye itau ma ngadue.” E wan ka pula keniye lua ngong ma ngadong itau kovok. Wan ka pula keniye itau ma ngadue e dau ngasongon wan gesa ma karanga plau ngong kovok.

Ida Tapolngon didi ila arit e due Ida Puda poga tito ke ina denga deka iye blang ma due ite itopoga itetito ke ida denga.