Popular Bible Verses from Hena Waroma 12

Share

Na musioke mukifwananijwa na masanga ama, kake mugharushwe hena kuwawuka kwa lusaro lwenyu, mbone kuwonja kila kikundike kya Izuwa, ekyo kyedi na kiuhika na kiirowili.

Hena lwa iyo namsemba, wandwetu, hena malusario ma Izuwa, muing’ole miri yenyu itasi lina moo, lishenete, likundike ha Izuwa, elo luhirio lwenyu lwa kucha.

Mukiizihirwa hena luing’idaki; mukigumiria mawasi; mukiikaa ghati ya kuomba musiiting’o

Musilelwe ni wuwiwi, nde leleni wuwiwi na medi.

Ghati ya lukundo lwa wandu wa hetu kundaneni; hena nganyi mukirongoja waghenji

Lukundo luoke lusina ukeleki. Shishirrweni na kila ekyo kiwiwi; guraneni na kila ekyo kyedi.

Ije kiidimika, hena mbai yenyu, muoke na luworo na wandu wose.

Musikuihie lawi wenye, wekundiwe, nde ingeni mwanya oro, amu itamiwe, Kuihia lawi ni kwangu, nineiha, ateta Mzuri.

hena lunyarki, si wanyaluu; mukiaka ngoroni; mukimtumikia Mzuri.

Amu namburra mundu ose eoho ghati yenyu, hena mvono niingiwe, asikugheshijie vibaha kukela imbe kugheshijia; nde kugheshijia sandu kugheshijia hena mng’a na, sandu Izuwa emghawie mundu ose mng’ana wa luitikijo.

Musikubaebae hena kucha. Musimwihie mundu wuwiwi hena wuwiwi. Kusareni vindu vya nganyi mesoni ha wandu wose.

Muoke na ngoro mwe mundu na mughenji. Musikusare vindu vya wanga, kake muiname hena vindu vioho si.

Kake mring’a wako ekisikia nzaa, mrishe: ekisikia ngiru, mwinge anywe: amu hena kuketa huwo unemwumbia makaa ma moto mtwini.

Watasieni wala wemkinya: tasieni, nete musisese. Izihirweni hamwe nawo weizihirwe; iyeni hamwe nawo weiya.

mukishangana nawo washenete hena mawaiyo mawo; mukitiigha wagheni.

Amu sandu tuna marungo meingi ghati ya muri mwe, na marungo mose temena ndima mwe: huwo uswi, tu weingi, tu muri mwe ghati ya Kristo, na marungo imwe imwe uswi hena uswi.