Popular Bible Verses from Hena Waroma 1

Share

Amu sigurwami ni soni hena anjili ya Kristo: amu ni zinya ya Izuwa hena lukio hena mundu ose eitikija; hena Myahudi kuwoka, na hena Myonani pia.

Amu hena iyo ngalo ya Izuwa iwikwe mwaji kufuma luitikijo mtano luitikijo sandu itamiwe, Mwenye ngalo enekia hena luitikijo.

Amu vindu vyakwe visiwonwa too kulungwa kwa masanga vyawonwa raa, vikitwarijwe hena vindu viarehwe, nivyo zinya yakwe ya ndarasi na wuizuwa; wawone huwo kusaoka na kugura mbande

Amu, wekimtisiwa Izuwa, tewemrumishe sa Izuwa, nete teweanjela; kake weokie na mafuti hena makusaro mawo, na ngoro jawo jitomode jikaoka na kija.

amu wegharushe kididi ya Izuwa hena maongo, wakaomba wakatumikia kilungwa kukela Mlunga, eye mtasiwa ndarasi. Amen.

Amu oro ya Izuwa ni mwaji kufuma majumbini wanga ya wusui‐izuwa wose na wusiwungalo wa wandu, wo wegura kididi ghati ya wusiwungalo

Hena lwa kindu iki Izuwa akawashighia hena malukundo ma nguruna: amu wache wawo wegharushe mitongie ya lukishoni hena ila esiya‐lukishoni: Na huwo pia wome, wekishigha mitongie ya lukishoni ya mche, wakaaka hena malangwa mawo mawiwi uu hena uu, wome na wome wekiketa kila esikyedi, na wekiuhia hawo wenye wuesi wula wa itekwa wuokie wa ngalo. Na sandu wesuie kumgura Izuwa hena kucha kwawo, Izuwa ewashighie hena makusaro ma kusuika, kuhira vindu visiwe

Wekikughamba kuoka wechee, wakaoka wetomode, wakagharusha kirumi kya Izuwa esinyamarika hena fwana ya indu lifwananijwa na mundu enyamarika, na ndeghe, na nyamao, ya maghu manne, na vindu vibulutika.