Popular Bible Verses from Malumbo 91

Share

Ninemtetia Mzuri, Niye matukio langu na boma yangu: Izuwa wangu, eye namwitikija.

Ula etua ghati ya handu‐ha‐mbiso hakwe Eye wanga ya vyose: eneikaa si ya kivuri kyakwe Mwenye‐zinya.

Eneniitangia, na ninemtalwa; nineoka naye ghati ya wasi: ninemkija, na ninemguria nganyi.

Amu enewang’olia malaika wakwe aghanyo wanga yako: wakurinde ghati ya nzia jako jose.

Enekufinikira na mazaghu makwe, na si ya mazaghu makwe uneareha matukio: kididi yakwe ni ngao na finikiro.

Amu We, Ee Mzuri, niwe matukio langu: umwosha Eye wanga ya vyose matuo mako. Tehena kindu kiwiwi kinekuzia: nete tehena ndwari inesongeria hema yako.

Amu enekung’ola ghati ya izero la mwendandeghe: na ghati ya ndwari mbiwi.

Elfu wenegwa hena mbai yako, na elfu ikumi hena mkono wa kuume wako: kake tekikakusongerie we.

Toukaondoke we hena luitisho lwa kio: nete hena mvwi utonga hemusi. Hena ndwari yasela kijeni: nete hena unyamaro utesha hemusi.