Popular Bible Verses from Malumbo 103

Share

Mtasie Mzuri, ee ngoma yangu: nete usiviiwae vyedi vyakwe vyose.

Eye eshighia matekwa mako mose: eye ehodja ndwari jako jose. Eye ekombola moo wako ghati ya kunyamarwa: eye ekugera lumerisia lwa lukundo na lusario. Eye eighusha itumbu lako na vindu vyedi: mtano wudongo wako wuhunduka sa mbarambako.

Mtasie Mzuri, ee ngoma yangu: na kyose kioho ndeni hangu, litasie izina lakwe lishenete.

Sandu wawee ewasaria waana wakwe: huwo Mzuri ewasaria wala wemwondoka.

Hae sa kifuma‐nzano kufuma kigwa‐nzano: hae huwo emawushija mateshanyo metu kufuma hetu.

Mzuri eizua lusario na mvono: mhoo hena kureghija, na wa lusario lwingi.

Tetuketiaye hena ng’oki jetu: nete tetuingaye hena matekwa metu. Amu sandu majumbi mekoiye wanga ya masanga: lubaha huwo lusario lwakwe hena wala wemwondoka.

Mzuri ekiduwija kiikayo kyakwe majumbini: na wufumwa wakwe uitoria wanga ya vyose.