Popular Bible Verses from Hena Wagalatia 5

Share

Kake ndunda ya Ngoma niyo lukundo, luizihiro, luworo, lugumirio, lukundano, uwedi, luitikijo, wuhoo, mng’ana: wanga ya vindu sa ivi tehenaho sheria.

Kake naghamba, Seleni hena Ngoma, na tomunekurija kulangwa kwa muri.

Tukikia hena Ngoma, na hena Ngoma tusele pia.

Na wala wa Kristo weidiwa kuuwanika muri hamwe na nyami jakwe na malangwa makwe.

Na mihiro ya muri ni raa, eyo ii, mbuya, ikwe, owiwi, kuomba sanamu, wusawi, mawuzo, ngani, maneng’o, oro, malinganyo, matanyo, maeresi, maluse, uengeji, vitaghara, na vindu sa ivi: na hena vindu ivi namburra kuwoka, sandu nimburrie kuwoka kae, ti wala weketa vindu sa ivi teweneuhoja ufumwa wa Izuwa.

Amu unywi, wandwetu, mwaitangwa hena esiwuzoro; kake musiwuhirie esiwuzoro wenyu sa mwanya wa muri, nde hena lukundo muoke wazoro mundu na mughenji.

Amu muri ulangwa wanga ya Ngoma, na Ngoma wanga ya muri, amu iji jalelana; musiidime kuketa vindu muvikundie.

Amu sheria yose yukurijwa ghati ya kiteto kimwe, nikyo iki: Umkunde walatya wako sa ngoro yako.

Tusioke wandu wa kukuisisa wesho, tukireghijiana, na tukineng’ana.

Hesina wuzoro Kristo etuwikie esiwazoro: hena lwa iyo imukeni nezo, nete musichungwewa na ighogholo la wuzoro.