Popular Bible Verses from Romanos 7

Share

Bats'i coliyal Dios ti ja' laj scoltaun ta sventa ti Cajvaltic Jesucristoe. Ta xca'i ti ac'o jpasbe smantal ti Diose. ¡C'u stu un! ti jtalele, mosovinbilun yu'un ti mulile.

Ac'o mi juteb ta co'nton ta jc'an ta jpas ca'i ti c'usi leque, jna' lec ti mu ono'ox xitojobe. Ti bu jtamoj batel yu'un ti jbec'tal jtacopale, mu'yuc c'usi lec ta xc'ot ta loq'uel cu'un.

Ma'uc ta jpas ti c'usi lec ta xquile, ja' ta jpas ti c'usi mu lecuc ta xquile.

Mi ja' ta jpas ti c'usi mu lecuc ta xquile, ma'uc xa vu'un, ja' ta spas ti mulil ti nabal ta jtojole.

Jech ta xc'ot ta spasel chquil. C'alal ta jc'an ta jpas ca'i ti leque, ja' no'ox ta jta ta spasel ti c'usi chopole. Ti ta yut co'ntone, lec ta xca'i ti smantal Dios ti oy c'usi tsots albil sc'oplale.

Mi ja' chba jpas ti c'usi mu jc'an jpas ta xquile, ta jna' unbi ti jun yutsil slequil ti oy c'usi tsots albil sc'oplale.