Popular Bible Verses from San Marcos 6

Share

Ti Jesuse xi laj yalbeique: —La'ic, ba jcux co'ntontic ca'tic jliqueluc ti bu sts'ijlajan ti banomile. Yu'un xtal xbat yepal ta j'ech'el ti jnaclejetic ta banomil ti mu'yuc c'usi xut x'aq'ue ve'icuque.

Ja'uc ti Jesuse xi laj yale: —Buyuc no'ox scotolic ta xich'ic ta muc' jun j'alc'op. Ja'uc ta slumal stuque, yuts' yalaltac no'ox, jmojic ta yut na no'ox mu x'ich'e ta muc' yu'unic.

C'alal loc' ta barco ti Jesuse, laj yil volol xa ti epal jnaclejetic ta banomile, c'uxubaj yo'nton yu'un, co'ol s'elan junuc tanijemal chij ti ch'abal yajval ta xq'uelee. Ep ta tos c'u s'elan lic xchanubtas.

Mu'yuc bu laj yac' ta ilel ti c'usi ch'ayal ta xc'ot o'ntonal yu'un ti bu taje. Jun chib no'ox oy bu laj scajan sc'ob ta stojol ti jchameletic ti col yu'une. Labal laj ya'i ti mu x'ich'e ta muc' yu'un ti slumale. Ti Jesuse ech' chanubtasvanuc ta uni lumetic ti joyol ta spat xocon ti jteclum Nazarete.

Ta jech yepal un ti Jesuse laj stsac ti vo'bej pane xchi'uc ti cha'cot choye. Laj stoy muyel sat ta vinajel ta yalbel vocol ti Diose. Lic xet' ti pane. Laj yac'be jelavel ti yajchanc'optaque yo' ta xch'acbeic ti c'u yepal tsobolique. Ja' jech xtoc laj xch'acan ti cha'cot choye yo' ta staic o lec scotolic. Ve'ic scotolic ti bu xa c'alal xal ti yo'ntonique. Noj to lajcheb (12) moch scomelal ti pane xchi'uc ti choy ti laj stsobbeic ti scomelale.