Popular Bible Verses from San Marcos 14

Share

Ti ta sc'opojel sti'inele, xi ta xale: —Tot, Cajval, xi s'elan c'otem ta aventa ti scotol xu' avu'une: pojun coltaun yu'un ti jvocole. Ma'ucuc jech c'u cha'al ta jc'an jtuc, ja'uc ti c'usi ta xac'an ti vo'ote.

Vic'o asatic. C'opojan ti'inanic yo' jech mu xayu'ninic ti pucuje. Ta melel, tsots avo'ntonic, mu'yuc yip ti abec'talique.

Ta xcalboxuc ava'iic ta melel, buyuc no'ox ta xich' alel batel ti lequil ach' c'op ta sjoylej banomile, ta xvinajesbat sc'oplal c'usi laj spas ti ants li'e yo' mu xch'ay ta o'ntonal.

Xi laj yale: —Xicham o xa ta xca'i yu'un ti vul o'ntone. Comanic to li'e, mu xavayic.

C'alal xyaquetic ta ve'ele, ti Jesuse laj stsac ti pane. C'opoj ti'in ta yalel vocol. Laj xet' ti pane, laj yac'be jelavel ti yajchanc'optac ti xi laj yale: —Lajesic li'e, yu'un ja' jbec'tal jtac'opal.

C'un to un ti Jesuse lic stsac sbisol ti vinoe. C'opoj ti'in ta yalbel vocol ti Diose. Laj yac'be jelavel ti yajchanc'optaque. Scotolic laj yuch'ic ti vinoe. Xi laj yal ti Jesuse: —Ti vino laj avuch'ique, ja' c'ot ta pasel ti ach' trate ta sventa ta xmal ti jch'ich'el sventa slequilal ti epal jnaclejetic ta banomile.

Xi laj yal ti Jesuse: —Ti vo'oxuque acotolic mu xa junuc avo'ntonic ta jtojol ti ac'ubal tana li'e. Yu'un xi ta xal ti ts'ibabil ta ch'ul c'ope: ‘Ta xcac' ta milel ti jq'uel-chije, jech ti chije tan puc ta xbatic.’

Licanic, batic, yu'un tal xa ti buch'u ta xiyac' ta c'abale.

—Ta xcalbot ava'i, Pedro, c'alal mu'yuc to ta x'oc' xcha'cojal ti cots ti ac'ubal tana li'e, laj xa aval yoxcojal ti mu xavojtiquinune —xi laj stac' ti Jesuse.