Popular Bible Verses from San Mateo 16

Share

Ts'acal to un, ti Jesuse xi laj yalbe ti yajchanc'optaque: —Mi oy buch'u ta x'och ta cajchanc'op ta sts'aclielune, tuch'uc ta yo'nton ti xcuxleje manchuc mi ta xich' svocol.

Ta xcalbot ava'i ec un ti Pedroote ti ja' jechot jech chac c'u cha'al ti tone. Ta aventa, ta xbol ti cajch'unolajeltaque. J'ech'el mu xmac ta be yu'un yip stsatsal ti lajebale.

Ta xcac'bot syavial ti ventainel yu'un Dios oy ta vinajele. Ti mi chuculot xavut li' ta banomile, ja' jech chucul ta x'ilat yu'un ti Dios ti oy ta vinajele. Ti mi colemot xavut li' ta banomile, ja' jech colem ta x'ilat yu'un ti Dios ti oy ta vinajele.

Ti buch'u tsots sc'oplal ta xa'i ti xcuxleje, ta xch'ay. Ti buch'u mu tsotsuc ta xa'i ti xcuxlej ta jventae, ta xcuxi.

¿C'usi bal o ti vinique ti mi ch'ayel ta xbat ti xch'ulele? ¿Mi oy c'usi xut ta sman loq'uel ti xch'ulele?

—Ti vo'oxuc une, ¿buch'uun ta xavalic? —xi jac'batic yu'une. —Vo'ot Cristo, Xnich'onot ti cuxul Diose —xi ti Simón Pedroe.

Ti Jesuse xi laj staq'ue: —Toj jun yutsil ti jech xana' ti vo'ote, Simón, xnich'on Jonás. Ti xana' Buch'uune, ma'uc jun vinic laj yac'bot ana', ja' laj yac'bot ana' ti Jtot ti oy ta vinajele.