Popular Bible Verses from Génesis 42

Share

Ja' yu'un un, ti stuquique xi lic yalolanbe sbaic ta jujun tale: —Ta melel, chopol c'usi laj jpastic ta stojol ti quits'intique. Yu'un mu'yuc laj quich'betic ta muc' ti xvocolet laj sc'anbotic ac'o jc'uxubintique, ac'o mi laj quiltic ti abol sbae. Jech o xal ja' ta jtoj ta joltic vi s'elan ti jvocoltic tana une.

Jech ti Josee, ajvalil yu'un scotol ti muc' ta lume, sbainoj ta xchonbel trigo ti jnaclejetic buyuc no'ox chlaj talicuc ta jujujote. C'alal c'otic ec ta stojol ti xchi'iltac ta voq'uele, snupilan xa banomil c'ot squejan sbaic ta stojolal.

C'alal laj yil ti Josee, laj yojtiquin ja'ic ti xchi'iltac ta voq'uele. Ja' no'ox un, laj spas sba ti mu xojtiquinan yilele. Jech o xal un, xi s'elan tsotsic xa ye xquechet laj sjac'bee: —¡Ti vo'oxuc une! ¿bu liquemoxuc talel? Xi laj staq'uique: —Talemuncutic ta Canaán, yu'un tal jmancutic trigo.