Popular Bible Verses from Gálatas 3

Share

Ti Cristoe tal scoltaotic ta scoj ti mu xc'ot ta ch'unel cu'untic ti oy c'usi tsots sc'oplal albile. Ti stuque co'ol s'elan jbaj-mantal c'ot, yu'un xi ta xal ti ch'ul c'ope: “Ti buch'u jipil ta curus ta xlaje, ja' jun jbaj-mantal.”

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Mi yu'unoxuc ti Cristoe, va'i unbi, bats'i snitiluloxuc ti Abrahame, yajval rextoiloxuc ti albil sc'oplal yu'un Dios ti ta xaq'ue.

Taje, ja' ic'ot ta pasel ti jech ono'ox yaloj ti Dios ta stojol ti Abrahame, ti ta staic slequilal yutsilal Dios ti jyanlumetic ta sventa ti Cristo Jesuse, yo' jech jcotoltic ta xquich'tic ti Ch'ul Espíritu ti yaloj ono'ox ti Dios ta xac' ta sventa ti ta xc'ot ta o'ntonal ta xch'unel ti Jesucristoe.

Ja' yu'un un, ma'uc ma' ti mu'yuc xcuchoj smul ti buch'utic ja' no'ox xch'unoj ta spasel ti c'usi ta xal ti oy c'usi tsots sc'oplal albile, yu'un xi ta xal ti ch'ul c'ope: “Ti buch'u ch'abal smul ta xquile, ja' no'ox ti buch'u c'otem ta yo'nton ta xch'unele, jech ta xcuxi o.”