“Mu xava'an jtosuc loc'obbail, mi ja'uc sloc'obbailtac ti c'usitic oy ta ac'ol ti ta vinajele, mi ja'uc sloc'obbailtac ti c'usitic oy ta banomil ti oy ta peq'uele, mi ja'uc ti c'usitic oy ta nab ti ts'anal ta banomile. Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.