Popular Bible Verses from Daniel 7

Share

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

C'alal yacalun ta sq'uelel ti c'usi jam jsat ti li'ac'bat quil ta ac'ubaltique, ta anil no'ox xi c'ot ta pasele: laj quil ti co'ol s'elan vinic ti tal ta ba toque, ti bat ti bu oy ti Mole. Aq'ue nopajuc batel ta stojol.

Ti spasob mantale, ti jelavem xu' yu'une, ti yutsilal slequilal ti oy ta scotol pasob mantaletic li' ta banomile, ja' ta xlic ac'batuc ta yoc ta sc'obic steclumal ti Dios ti oy ta toyole. Mu'yuc stsutseb ti jech ta xchoti ta pasob mantale. Yu'un scotol ti jteclumetic ta banomile, ta xac' sbaic ta tunel ta stojol. Ta xch'unbeic ti c'usi ta xale.”

Ts'acal to un, ti jech sc'oplal ochemic ta ajvaliletique, ja' ta xlic jelobtasbaticuc ta yoc ta sc'obic ti jteclum yu'un Dios ti oy ta toyole, ti ja' j'ech'el ta xcomic o ta pas-mantal sbatel osile.”