Popular Bible Verses from Daniel 3

Share

Xi laj staq'uic ti oxib querem viniquetique: “Ti c'usi laj avale, jeche' no'ox tey xijvulvun xchi'uc. Ti buch'u xu' ta jnijan jbacutic ta yich'el ta muq'ue, ja' ti cuxul Diose. Yu'un ja' xu' ta xispojuncutic yo' jech mu xilajcutic ta sleb c'oc' yu'un ti jornoe, xchi'uc scotol ti c'usi chopol ta sc'an ta xispasbuncutic ya'i ti Jcuch abtele. Ta j'ech'el ta stic' sba ta jpojelcutic. Ac'o mi mu xispojuncutic, ta xcac'cutic lec ana' ta j'ech'el, Jcuch abtel, ti mu ono'ox ta jnijan jbacutic ta yich'el ta muc' ti diosetic avu'une. Mi ja'uc ta jquejan jbacutic ta stojol ti loc'obbail oroe.”

Xi laj yal ti Nabucodonosore: “Yu'un ti vu'une, chanib viniquetic ti colemic ta xquil ta xanavic ta o'lol c'oc' ti mu'yuc c'usi ta spasbatique. Ti xchanibale, ja' jun vinic ti co'ol s'elan jun ánjel ta q'uelel yilele.”

C'alal jech c'ot ta pasel taje, jech ti ajvalil Nabucodonosore, xi tsots lic c'opojuque: “Lequil c'optabiluc ti Dios yu'unic ti Sadraque, ti Mesaque, xchi'uc ti Abed-negoe. Yu'un laj stac talel yaj'ánjel ta spojel ti lequil yajtuneltaque. Mu'yuc xi'tabeic smantal ti ajvalile. Loc' ta yeic ti ac'o mi ta xchamique, mu ta snijan xchiman sbaic ta yich'el ta muc' ti yan diosetique, ti c'alal ma'uc ti Dios yu'unique.

Avi tana li' une, buch'uuc no'ox ti chopol ta xc'opoj ta stojol ti Dios yu'unic ti querem viniquetic li'e, vu'un ta xcal mantal ti yich'icuc sesintael ta bojel, stucuc slilijemal busul ta xcom ti snae. C'usiuc no'ox lumal ti jech ta spase, mi ja' jun muc' ta lum, mi ja' yan c'op ta xc'opoj, ja' jech ta xich' taje. Yu'un mu'yuc yan dios ti xu' yu'un ta stic' sba ta pojvanej jech c'u cha'al le'e.”