Popular Bible Verses from Amós 2

Share

Xi ta xal ti Diose: “Ti israeletique, ep ti c'usitic chopol spasojique. Ta ono'ox jtsitsic ya'iic. Ti buch'u ch'abal smule, laj xchonic batel ta taq'uin. Ja'uc ti me'un mu'nate, ta jchop no'ox xonobil ta sjelic o ech'el.

Xi ta xal ti Diose: “Ti jteclum Judae, ep ti c'usitic chopol spasojique. Ta ono'ox jtsitsic ya'iic. Laj sbajic ti chanubtasel yu'un ti Diose. Mi ja'uc laj xch'unbeic ti oy c'usi jbel tsots albile. C'ajomal no'ox lic snijan xchiman sbaic ta yich'el ta muc' ti c'usitic loc'tabile, co'ol jech c'u cha'al laj spasic ti stot sme'ic ti laj ech'icuque.

Ta xilbeic svocol ta j'ech'el ti me'un mu'nate. Mi ja'uc xc'ot ta yo'ntonic ta xchapanic ti buch'u biq'uit yac'oj sbae. Ti totile xchi'uc ti nich'onile, jun no'ox ti ants ta xvayic xchi'uquique. Ja' jech ta xc'ot ta pasel yu'unic ti ta soquesbeicun ti jc'oplale.