Popular Bible Verses from Hechos 13

Share

Oy jun c'ac'al c'alal scomtsanoj yotic ta sventa yalbel vocol ti Diose, xi albatic yu'un ti Ch'ul Espiritue: —T'ujbun loq'uel ti Bernabee, ti Sauloe, ta yich'el ti yabtelic ti laj jtaic ta iq'uele. Va'i un, c'alal laj yo'ntonic ta scomtsanel ti yotique xchi'uc ti ta c'opojel ti'inele, laj scajan sc'obic ta stojol, laj staquic batel un.

Yu'un ti vo'oxuque mu'yuc xch'ay amulic ta sventa ti oy c'usi tsots albil sc'oplal yu'un ti Moisese. Ja' no'ox ta sventa Jesús ta tael ti ch'aybil ta xc'ot smul ti buch'u ta xc'ot ta yo'nton ta xch'unele.

Yu'un laj yalbuncutic mantal ti Diose, ti xi ta xale: ‘C'otemoxuc ta saquil osil yu'un ti muc'tiquil jyanlumetique ta sbainel ta yalel sc'oplal ti pojel colel cu'une, ti bu xa c'alal spajeb snamal ti banomile.’