Popular Bible Verses from 2 Tesalonicenses 2

Share

Bats'i ta melel ta xcalboxuc ava'iic, mu me xavac' abaic ta lo'lael. Yu'un c'alal mu'yuc to ta sut talel ti Cajvaltique, ba'yel ta xc'ot ta pasel ti yepal no'ox ta jmec ta xlic scontrainic ti Diose. Ja' jech xtoc ba'yel ta xvul ta loq'uel ti me'mulil vinic ti mu'yuc xch'ulel xa'i sbae, ti chapal xa sc'oplal ch'ayel ta xbate.

Ti jech c'uxubinbiloxuc yu'un Dios ti vo'oxuque, Jchi'iltac, mu xquicta jbacutic ta yalbel vocol Dios ti ta sliquebal no'ox banomil oy ac'oplalic ta xataic acolelic ta sventa ti coltabiloxuc yu'un ti Ch'ul Espíritue, yo' jech ta xac'otic ta yu'untac Dios ta sventa ti c'ot ta avo'ntonic ta xch'unel ti bu ja' melele.

Ti me'mulil vinic taje ta scontrain scotol c'usiuc no'ox ti ich'bil ta muc' yu'un ti jnaclejetic ta banomile. Ta scontrain ti buch'utic oy ta ye ta sti'ic ta yalbel sc'oplal ti Diose. Ta xc'ot ta pasel yu'un ti ta xlic chotluc ta spasel mantal ta xch'ulna ti Diose, ti ta sbis sba ti ja' xa Dios ti stuque.

Ti Jtotic Dios cu'untique laj xc'uxubinotic, laj yac'botic spatobil co'ntontic sbatel osil ti oy c'usi ta jmalatic ta jtatic ta sventa ti slequilal yutsilal yo'ntone. Ti Dios taje xchi'uc ti Cajvaltic Jesucristoe, ac'o yac'boxuc yip avo'ntonic ta spasel ta yalel ti c'usi leque.

Jech o xal un, ta x'ac'batic comel ta sba yu'un Dios ti ac'o xch'unic ti lo'laele

C'alal xvul ta loq'uel ti me'mulil vinic taje, ja' coltabil yu'un ti pucuje, ti yepal no'ox ti smuc'ul stsatsal ta xac' iluque, xchi'uc ti c'usi ch'ayal ta xc'ot o'ntonal yu'une, ti naca ta xlo'lavan xchi'uque. Yu'un naca xac' no'ox sjol ta spasel ti c'usitic chopole yo' jech xu' ta slo'la ti buch'utic ta xbatic ta ch'ayele, yu'un mu sc'anic, mi ja'uc lec laj ya'iic ta yich'el ta muc' ti bu ja' melele yo' jech ta sta ti scolelique.

Ti me'mulil ti mucul sc'oplale, yacal xa ta x'abtej talel. Ti le'e, mu'yuc to ta xich' loq'uesel ti Buch'u smacoj ta bee.