Popular Bible Verses from Romanos 2

Share

Aapimï odami ix makïdï ïr gïpiïrï bupadami go gaa, ¿Bhai ix kïïgakïrï bubuakimu aapimï xi maiti gïn gïgïbituldagi Diuxi? ¡Xadïrï kïïgakïrï bubuakïna aapimï! ¡Ïïgi ibuayi aapimï go baaxi soimaaxi di! Diuxi gia kïï tuiga. Mai otoma bhamukui ïgai gïn bui tudu dai tomarhi mai otoma daitudai gïgïbidaragai gïn abhana tomaxi gïn ajïakatadai xi taatagi gïgïbidaragai. Dïï aapimï tomarhi mai buamï gïn ïrhidi. Bhaiyoma soi dukai nïidi aapimï Diuxi poïrhiditai sai ïgai mai oton gïgïbitulda agai. Buabi tudu sai kïï tuiga ïgai gïn bïïtarï. Ipïrhidi ïgai sai ïma dukai gïn tïtïgitokagi aapimï kaxkïdï mai oton gïgïbituldai ïgai.

Aapimï odami mai bia ix tuixi ñokadagi gïn aïkai gïgïdaragai. Daiñi, xi ïmadutai aapimï gïpiïrï buaja agadagi ïmai potïkai sai ïgai soimaaxi ibuayi, aidï gia ïïgi gïn abhana daitudai aapimï gïgïbidaragai mos potïkai. ¡Aapimï ïïgi ibuayi go baaxi soimaaxi tudu ixtukïdï gïpiïrï bupaimi aapimï go gaa!

Diuxi ïmadugan dukai nïidi bïïxi odami tudu.

Diuxi kïïgakïrï nïidi odami ix makïdï kïïgakïrï ïïgidi sïïrhikamigadï tudu. Dai mai xu kïïgakïrï nïidi ïgai ix makïdï mos kaïkana dai mai ïïgidiña.

Dai Diuxi nïida agai ix dukatai óídatu odami dai iduñagai bïïxkatai ïmadï ïïgi ix dukatai gïn ajïakagi.

Dïï gia Diuxi kabami bhamuka agai buidïrï ix makïdï ïïgi gïn tïgito ajiopadagi dai maiti ibuayi ixtumaxi ïr sïïrhi apia adaimïitai ïgai go soimaaxkami.

Dïï sïïrhikïdï mai tïtïkaidaga aapimï dai ïïgi gïn abhana dadasai aapimï gïïpioma gïgïbidaragai. Ayimu tudu ixtuigako Diuxi gatïtïïgida agai xïï kabami bhamu ïgai soimaaxi iibhïdakami bui. Aidïpïrï Diuxi aagada agai xorai biaka agai gïgïbidaragai dai xorai mai biaka agai. Sïïrhi aagada agai aidï.