Popular Bible Verses from Apokalipsis 3

Share

Daiñi, biaka ïrhidi aanï urabaragai gïn ïmadï. Kaxkïdï kii taagiñana duu kïïka aanï dai gataanïi baakigai. Dai urabamu aanï ïmo kuadagiïrï dukai xorai gin kaïkagi dai gin miadïgidagi.

Kïï maatï aanï bïïxi ixtumaxi ibuayi aapimï. Daiñi, maatï aanï sai maiti ipïrhidi aapimï xi gin dagitoagi dïï gia maiti ipïrhidi aapimï xi kabami gïn aagagi dai gin oidagi ïpï. Ïbogian maaxi gin oidi aapimï tudu. Ïpïan maaxi aapimï ïmo iidagai ix makïdï mai xii uka dai mai xii ïpidi ïpï. Mosïkaxi palïpi ukakami duu aapimï tudu xi kaxkïdï ix dukai odami xixibaiña iidagai xïïxkadï mai naakïdagi podukai gajiadïrï gïn biamu aanï ïpï.

Gï agai xi maatïkagi aapimï sai bhagaidi aanï xorai oigïdai aanï xïïxkadï mai kïïga ibuadagi. Dai mamaakai aanï gïgïbituldaragai ïpï sa bhai bhïna kïïga tïgibudagai. Kaxkïdï gï agai xi ïma dukai gïn tïtïgitoagi aapimï dai kabami ipïldagi xi kïïga ibuadagi. Tadu gïn ayi gïgïbidaragai ïpï.

Kïï maatï aanï bïïxi ixtumaxi ibuayi aapimï. Daiñi, tomaxi mai xii gupuka aapimï bïïxkïrï kïïga ïïgidi aapimï gin ñoki dai mai ïxto xi gin buaboitudai. Kaxkïdï gïn maa aanï oigaragai sai aagada aapimï gin ñoki dai mai tipu xorai gïn sobhidagi.

Dai Diuxi gin Oga gin maa oigaragai xi abhana daibana aanï ïgai daikarudïana xakoga dakatai gatïanïi ïgai sai gatïanïna aanï ïgai ïmadï. Maitï aanï go soimaaxi buidïrï tudu kaxkïdï gin maa oigaragai xi daibana aanï ami. Dai aanï podukai maakimu oigaragai ïpï xorai maitiagi soimaaxi buidïrï sai daibana ïgai gin ïmadï gin daikarugana xakoga gatïanïi aanï reykatai aanï.

Aapimï po kaitiña sai ka bia aapimï bïïxi ixtumaxi gï agai gïn ibhïdaga bïïtarï. Kaxkïdï gïn bipidakami gïn ïrhidi aapi ïïgi gïn ibhïdagakïdï po gïn ïrhiditai sai maiti gïn biïga ixtumaxi gïn ibhïdaga bïïtarï. Dïï mai maatï nïidi aapimï ixtumaxi ïr buaboi. Gï agaitadai bhaiyoma xi maatï nïijada aapimï xïï soi dukai óídaga aapimï gïn ibhïdagakïdï. Soititigami aapimï gïn ibhïdagakïdï tudu. Mai nïñiadami dai mai yukusukami duu aapimï di.

Kaxi gïn aagidi aanï mïsai gïn kabakadana xïïxkadï soimaaxi taatagi dai kïïga gin ïïgidi aapimï. Kïïga gïn kabakadai aapimï tudu. Dai kaxkïdï gïn nukadakamu aanï xi maiti gïn aiyagi ix soimaaxi taatagi xïïxkadï kabami soimaaxi taatagi bïïxi go gaa óídakami. Ayimu tudu ixtuigako soimaaxi taatamitulda iñagai bïïxi óídakami nïidana sa bhai mai ïma dukai gïn tïtïgitona ïgai. Dïï aapimï maiti gïn ayimu gobai gïn nukadatai aanï.

Otoma dibiamu aanï tudu. Kaxkïdï abïr oijada go buaboikïdï buaboidaragai ix makïdï ka bia aapimï. Dai maiti abïr gïn dagito xi gïn popoidagi jaa go maitïki ix makïdï bhai daraka gïn bïïtarï.

Kokosokami dukai óídaga aapimï bhaiyoma. Karhioga ugidagai gïn buaboidaraga tudu. Dai ka máí aanï ïpï sai Diuxi mai bhai ïrhidi nïiditai ix tuma buayi aapimï. Kaxkïdï abïr gïn tïgito nïida ix dukatai ibuayi aapimï dai abïr gubuakami dukai buaboitudada.