Popular Bible Verses from Apokalipsis 22

Share

Aanï tudu ïgai dai gatïanïiña bïïxi aïkatai tukamidïrï abhiadïrï dai apia gatïanïdamu aanï kia xïïxkadï ugitiagi oidigi. Aanï ka ïkioñdïrï oidakatadai mai kia kïkibakai oidigi tudu dai mai ugitimu aanï tomarhi ïmo imidagai— ikaiti.

Daidi Suxi Kristo ikaiti, —Otoma ayimu aanï dai bhïidatikamu aanï maitïkidï bïïxi óídakami. Maakimu aanï bïïxi odami ixtumaxi ajïakagi tudu, ïïgi ixdukatai aatadui ïgai.

Dai Diuxi Ibhïadï bapaidimi bïïxi óídakami. Dai go buaboitudadami ix makïdï ïr nobiagadï dukai go Arhi Kañiru bapaidimi bïïxi óídakami ïpï. —Gimibïrai dai gïr uraba— ikaitimi ïgai. Dai bïïxkatai xorai kaïkagi go ñoki idi libroañdïrï gï agai xi bapaidagi jaa dai abïnakiadagi sai urabana ïpï. Xorai tonokoñikagi gï agai xi dibiagi tudu dai iiyagi go sudagi ixtukïdï kïïgakïrï óídaga odami. Go sudagi ix makïdï gaoidi Diuxi tudu dai buaboikïdï ïr oidaragai.

Odami ix makïdï bapakoi yukuxidï dai ka bia oigaragai xi kukumiagi ibhiadï go uxi ixtukïdï kïïgakïrï óídaga odami, gobai gia bia ïmo gïdukami bhai ïrhiaragai. Bia ïgai oigaragai xi bapakïdagi go gïï utudui kiikiïrï tudu.

Daidi Suxi Kristo ikaiti, —Gin kaïkabïrai, xibi otoma dibiamu aanï— ikaiti. —Dai xorai ïïgiadagi ojadï idi libro kïïga biaka agai bhai ïrhiaragai— ikaiti Suxi.

Dai ami ka mai tipukamu tukagi dai maiti gï agadamu tomarhi ïmo kudakarui dai tomarhi maiti gï agadamu tasai ami dakatai Diuxi Gïr Nukadakami. Ïgai tudu kudaidaka agai buaboitudadami. Dai go buaboitudadami bhïimu sïïrhikami dai bïïxkïrï bïïtarï gatïanïda agai.

Dai Suxi Kristo ikaiti, —Kïïga ïr buaboi sai otoma dibiamu aanï— ikaiti. Suxi Kristo tudu ïgai dai aagidi go ñoki ix makïdï ojixi idi libroïrï. Dai aanï Juan pokaiti sai ïjï, sai pogïduna. Ipïrhidi aanï sai otoma dibiana Suxi Kristo Gïr Nukadakami. Ipïrhidi aanï ïpï sai kïï tuigakana Suxi Kristo Gïr Nukadakami bïïxkatai aapimï gïn bïïtarï. Mosïkaxi.

Aanï Juan bia ïmo ñoki bïïxi odami bïïtarï ix makïdï kaïkagi ix kaiti idi libro. Daiñi, xi ïmadutai bïnaidagi jaa ñoki idi libro ix makïdï mai ojixi ami aidï gia Diuxi maakimu ï galbaaxi naana maaxi gïgïbidaragai ix makïdï ojixi go libroïrï. Dai podukai ïpï ix ïmadutai maigobai darasagi ñoki idi libroañdïrï ix makïdï Diuxi ojiturhi odami aidï gia Diuxi mai maakimu oigaragai ïgai xi kukumiagi go uxi ibhiadï ixtukïdï kïïgakïrï oidaga odami. Dai mai maakimu oigaragai xi baakiagi go gïï kiikiïrï ïpï ix makïdï ojixi idi libroïrï.