Popular Bible Verses from Hechos 26

Share

Gï otosamu aanï xako óídaga ix makïdï maiti ïr judidiu. Dai gï nukadakamu aanï xi tomarhi ïgai dai tomarhi go judidiu maiti gï muamu. Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

Kïkibañi tudu dai kaïka ixtumaxi gï aagidamu aanï— gin tïtïdai. —Gin maaxitu aanï gï buitapi xibi dai gï dasa in agai xi ïr gin pioñigakagi pai aagada aapi pïx tuma tïï gin nïiditai xibi. Dai ïkobïrakoga gokiïrioma gï tïïgidamu aanï ïpï jaa ixtumaxi ix makïdï aagadamu aapi.

Antai aanï potïi aidï, —¿Borï aapi tïanïdami?— antïtïdai aanï. Bai Gïr Nukadakami pobai gin tïtïdai, —Aanï ïr Suxi dai soi gin buayi aapi.

Daidi Agripa potïtïdai aidï, —¿Mos ïï chïki ñokikïdï ipïrhidi aapi xi bhïiya aanï Suxi Kristo buaboidaradï?— itïtïdai.