Popular Bible Verses from Lûm 14

Share

Yəə Zə̀kìy saʼa nəniy aghee we yiy ate à wày dzə ayiə ufànyiə nə̀ mə̀nlwù mìy, a kwuni də ani zəŋə ayiə yə a də nəniy tsitsi anə sə k-a-zə̀, nə̀ ani mùə̀ anə ìbvay nə̀ ghè liy yiy, nə̀ ani kəli dwiʼi kə̀soŋə̀ kə̀ Zwàykə̀zwekiy nyiə̀ nəniy awò àghè. Abu wò fàʼà awò Kə̀litò anə dzòʼò dzəd yə ghii, wò kî zəŋi nə̀ Zə̀kìy ki dyoʼo nə̀ wò. Aghê ki dziy sòʼò ayiə àdzoŋə̀ yìy kwùmə̀ yə̀ nə̀ wò.

Abu ŋgà muə nəniy, ŋgà muə ani zəŋi tsə nə̀ Mwe ə̀ mbyi ki dyoʼo, abu ŋgà pfə nəniy, ŋgà pfə ani zəŋi tsə nə̀ Mwe ə̀ mbyi ki dyoʼo. Ì yû dè tsə nə̀ abu ŋgà muə moo ŋgà pfə nəniy, ŋgà də aghee Mwe ə̀ mbyi.

Yəə i də nəniy ghii, ŋgà kwu ani zəŋə yə ayiə yə a də ani bu nə̀ ìbvay yiy, nə̀ à yuu a də ani zəŋə soʼo nə̀ aghê liy yiy kəli tsə ibɛmə ìsoŋə̀ yìy.

Yəə i də nəniy ghii, ŋgà bwi na ani saʼ aghê liy dzìy nə̀ ghu mə zəŋi bɛb. Ghà kə zəŋi dzə̀ ayiə yə a də ani zəŋi nə̀ àzwə̀ tyàŋì bvə̀ moo ghu zəŋi iyiə ìbɛbə yiy.

Aŋwòə ŋwàʼà k-a-zə̀ kìy dzây tsə nə, “Mwe ə̀ mbyi dzîy nə̀, ‘Anə yiə yə mə tsəm də Zə̀kə̀ kə muə nəniy, aghê à dzə̀m nì bè nyaʼa tswi tsə a təŋə̀ mìə̀, aghê dzə̀m ni bû dzây fyi bə̂ soʼò nə̀ adzwə a ghu yiy nə̀ mə də Kəzə̀’ Yəə i də nəniy ghii, ŋgaŋ adzə̀m ŋgà nî nyìə̀ ntaŋ awò Zə̀kìy anə ayiə yə ŋgà faʼà nəniy.”

Ghà ki ŋgwamə nia tsə aghû yə̀ ibɛmə ighu yiy lay nəniy, kəə ghǎ nì bələ̀ dzə̂ ayiə nə̀ ghu kwùmə̀ yə̀ nə̀ ìyiə yə ghu moʼò nə̀ i də tsitsi moo ìbɛbə yiy.

Wò də̌ ndiə ani dzày nə̀ aghee kə̀fàʼ ə wù lìy wìy mə zəŋi dzwàb moo ù mə zəŋi bɛbə ə̀? À mày kə̀ wù wə̀ ù də nəniy mwe awò ghu, ù də nəniy ani dzày tsə nə̀ ghu mə zəŋi dzwàb moo ghu mə zəŋi byɛbi. Ghu kî fàʼà dzwàbə̀ ŋwò aŋwòə Mwe ə̀ mbyi də ŋwô ani zəŋi nə̀ ghu fâʼ dzwâb.