Popular Bible Verses from Lûm 12

Share

Ghà kə doʼò dzə̀ yəə à də̀ aghee mbyi yə. Ghà kwuni na tsə nə̀ Zə̀kìy kwuni kə fôŋ təli tə̀ dzə̀m nə̀ mòʼ təli tiy. Ghà ki kəli tsə iyiə yə i də nəniy ìdzoŋə̀ yìy nə̀ ìyiə yə i də ani zəŋi tsə nə̀ Zə̀kìy ki dyoʼo. Ghà kəli tsə soʼò dzəd yə Zə̀kìy liə nə̀ ghà mùə̀ ate.

Kə̀lə̀ â ghà, awizə̂ yam àdzoŋə̀ yìy, yəə Zə̀kìy kwu nəniy mwuli kə̀ soŋə̀ kìy azoŋə̀ ŋgàŋ, mə bwoʼ gha nə̀ wokiy nə̀ ghà nyiə̀ yə̂ ìwee nəli yəə à də̀ fyiə kə̀ zwe kə ghu sâ nyiə̀ nəniy awò Zə̀kìy, kə nam də nəniy kə̀taw kiy, ani faʼa awò we, zəŋə sòʼò nə̀ ù ki dyoʼo. À yù də dzə̀d ìsòŋə̀ yìy ghà də ani fwùlì Kə̀zə̀ ate.

Zəŋi tsə tə̀ imôʼ ghii anə ayiə yə Zə̀kìy tɛb na nəniy nə̀ i ki nyiə gha nə̀ dwiʼi kiy, ghà ki kwee tsə fôŋ tìy anə məntswə̀d, gwùŋə̀ sòʼò nsòŋə̀ indzə̀m bəə à fyiə kə kìə̀.

Kəə ghǎ nì nia tsə dzə̂ nə̀ ayiə àbɛbə a taw tsîy tsə gha, ghà kwu ani zəŋi ayiə àdzoŋə̀ yìy ani təm nyi ayiə àbɛbə yiy.

Ghà ki liə yəə iwee yiy yəə à də̀ aghû ghu fyi nəniy anə isəd i ndaw i mòʼ, ghà kəli tsə soʼò ìghaa ani nyìə̀ mə̀ŋkwiʼi awò àghè àdzə̀m.

Ghà ki ndzəmə dee tsə iliə yiy awò aghè dzə̀m. Twe màʼa yə̀ ayiə àbɛbə àdzə̀m, wò zəŋ doʼò təŋ yə̂ kə ani zəŋə ayiə àdzoŋə̀ yìy.

I dəmə tsə anə yiə yə ghà kəli kwûm ani mùə̀ anə ibvay nə̀ aghè adzə̀m.

Awizə̂ yamə, ghà kə tsə dzwoŋi dzə̀ ibɛb yiy anə ibɛb, Ghà kwuni na yə̂ awò Zə̀kìy tə̀ ù nyə̀ ghu nə̀ mfəm, aŋwòə i twâ dòʼò anə ŋwàʼà k-a-zə̀ nə̀, “Mwe ə̀ mbyi dzîy nə̀, ‘À kwu miə ani nyiə̀ ghu nə̀ mfə̀m. Mə kî nyìə̀ mfəm awò àghù yə̀ ghu zəŋə gha nə̀ àyiə àbɛbə yiy.’ ”

Ghà kəli tsə ighaa ani fàʼ, ghà kə lay dzə̀. I faʼa yə nənìy awò Mwe ə̀ mbyi nə̀ fòŋ təli tìy tədzə̀m.

Fòŋə̀ ìdzoŋə̀ yə̀ Zə̀kìy dê nəniy awò mìə̀, à də ighe ì zəŋə nəniy mə dzîy nəniy awò ghà nə̀ ghà kə ŋge mòʼ dzə̀ nə̀ ghà də aghê nê yìy tsìy fyi aghû yə̀ ghà dzə̂m də nəniy. Ghà kwuni kwu ani moʼo tsə ndzòʼò àghù ghà ndzə̂m də nəniy ghu. Ghà kəli tsə nə̀ Zə̀kìy mə zəŋi nə̀ wù ùmoʼ umòʼ bɛmə kə awò we. Nyə̀ tsə sòʼò wù ùmoʼ umòʼ nə̀ ùlwì wìy ani fàʼ àyiə àdzoŋə̀ aŋwòə ghà bɛmə awò we.

Abu wù lìy zəŋi gha nə̀ ìyiə ìbɛbə yiy, ghà kə tsə dzwoŋi dzə̌ we ani ibɛb. Ghà ki zəŋə yə̂ ayiə yə a də nəniy tsitsi anə sə kə ghè dzə̀m.

Ghà muə̀ tsə anə ayiə àdzoŋə̀ yìy nə̀ àghè dzə̀m, Ghà ki kwoʼo dzə iwee yiy nə̀ ghà kəli tsìy fyi ŋwô aghê liy yiy. Ghà ki kwuni kaŋə yə afwu yiy nə̀ ŋgwò mə̀ ghù mìy. Ghà kə môʼ dzə̀ nə̀ ghà kwu mà ŋwô ayiə dzə̀m.

I twâ dòʼò sòʼò anə ŋwàʼà k-a-zə̀ nə̀, “Abu dzoŋ zabə wù wə̀ ù dzwəə nəniy nə̀ ghà, ghǎ nyə̀ we nə̀ ufànyiə wiy, abu à swəə kə fòŋ ə̀ mwi ghǎ nyə̀ we nə̀ mwi mə̀ muə̀ mìy, abu ghà zəŋə aghii, ù kî kəli tuw kə̀ dələ kiy ù kàʼ ani kaw dzəd ani kwuni.”

Ghà ki gwuŋə yə nə̀ Zə̀kìy lwî àghù yə̀ ghu nyiə̀ gha nə̀ fyimi kiy. Ghà ki gwuŋə yə nə̀ Zə̀kìy nyiə̀ ghu nə̀ lwì kìy. Ghà kə gwuŋì dzə̀ nə̀ ù nyiə ghu nə̀ ntyiə kiy. I dyoʼo yəə nənìy nə̀ àghù yə̀ ghu dyoʼo nəniy, mwe yə̀ sòʼò nə̀ àghù yə̀ ghu dîy nəniy.

I fiiy yə nənìy awizwə̂ yə̀ ghu bɛmə Zə̀kìy nə̀ ufyiə wə ghà kwu nəniy, ŋgwamə nia sòʼò àghù yə̀ ghu bwîy bê nəniy a ndaw təli.

Ŋgà kwu ndə̀mə̀ ùbə̀d uwè u təm doʼò fwumi nəniy anə uwè ùmòʼ. Bə̂d kə uwè kə̀mòʼ kìy kwu kə fàʼ kə we. À də̀ sòʼò ighəd, ŋgà də ndə̀m àghù, ŋgà kwuni təm doʼò anə fyiə kəmòʼ nə̀ Kə̀litò yəə à də̀ uwee umòʼ. Ŋgà də awò wù ùmoʼ umòʼ anə yiə yə ubə̂d uwè wìy də nəniy ate anə uwè.