Popular Bible Verses from Rɔmɛri̧ 8

Share

Ná tu ɓá, hɛ̧ri̧ too ka niŋ, niŋ ɓay tûl béla a njukuri ka zi Gáŋvbôn, njukuri a ké ɗí kuriri, ka ŋgboro a hɛ̧ a ké tí mɔny a ɓil lawɛ́.

Ɓayhí̧lé, mi tu ɓá, hɛ̧ a há̧na mbêw zi ma wal manárí̧ kuu zína a Gáŋvbôn nyá: Ɓá hûl malé ndísɛ̌ʼɛ lé? Aŋnzeri malé kpɔ́ŋa a fékéri a nûnalê lé? Sêe a ŋgɛŋnɛ́ malé sêe a pélé lé? Gáŋa a nûnalê malé ɗína a tísiri lé? Hɛ̧ a há̧na mbêw, zi ma wal nárí̧ kuu zína a Gáŋvbôn, ka tɔ́ʼɔ nárí̧ ka ŋgboro a Zezú Kiris, Gáŋmbây a manárí̧ nyá.

Ɓá mbêwké, Têm Pukí kɔ́ gí hí̧ndɔ̂ʼɔ hí̧ nárí̧, ɓayhí̧lé ná zi tu a̧hí̧ ɓá hɛ̧ a béláké, ka ná e vbínáké a ɓil gɔ́ŋhɛ̧ a manárí̧ nyá. Dáy, Têm Pukí ka mûn nɛ́, kaw vbí Gáŋvbôn a gel a manárí̧, ka ŋgboro a ɓay ka nzáʼa manárí̧ zi sa yáy.

A̧hí̧ ná e sanáké ɓáy lé? Gáŋvbôn, mí e kuu manárí̧, a gé e kaw ɓá njuku ŋgá̧na a manárí̧ lé?

Ŋgɛŋnɛ́, walɓay a Gáŋvbôn zi tí tûl a njukuri ka e mbêw kuu Zezú Kiris mbaa.

Dáy tɔ́ŋ niŋ hɛ̧ ka hay mûn ziy, ɓá njuku sé hûl. Nǎŋnɔ́, tɔ́ŋ niŋ hɛ̧ ka Têm Pukí ziy, ɓá njuku sé káwa ndísɛ̌ʼɛ rá̧ káwa a vónáké.

Dáy, a ɓilké nɔ́ too, rú ndé ka ŋgɛ́rɛ, ka ŋgboro a njuku ka zi nárí̧.

Mi kɛrɛ ɓá tɔ́ʼɔsêe a manárí̧ a ŋgɛŋnɛ́, ná zi ma ɓá léhá̧na kuu hɔ̧́na a Gáŋvbôn, ka e gína, a ké e tɔ́ʼɔ nárí̧ nyá.

A gé ma ɓay a wal manárí̧ kuu zína a Kiris lé? Ɓá káwa sêe rá̧ lawyíra malé, ɓá tɔ́ʼɔsêe rá̧ nzala malé, ɓá fóya malé, hûl rá̧ gá̧má lé?

Nǎŋnɔ́, Gáŋvbôn ka tu hɛ̧ ka e ɓil law, tu hɛ̧ ka Têm Pukí zi ɓay a vbí nɛ́y. Ɓayhí̧lé, Têm Pukí gɔ́ŋhɛ̧ ɓay tûl a njuku a láɓulawri, ɓá báŋké ka Gáŋvbôn ziy.

Ɓayhí̧lé njukuri too ka Têm a Gáŋvbôn tɔ́ʼɔ kuriri ŋgboroy, kaw ɓá gun a Gáŋvbôn.

Katína, njukuri ka kaw ka ŋgboro a hay mûn, ɛ́ ŋgboro niŋ hɛ̧ ka hay mûn ziy. Dáy njukuri ka kaw ka ŋgboro a Têm Pukí, ɛ́ ŋgboro niŋ hɛ̧ ka Têm Pukí ziy.

Mɛ̌, ka zi pɔŋ Gun ɓilé yá, dáy ka a ɓá nɛ́ tɔ́ʼɔsêe ɓay tûl a manárí̧ too. E ná a̧ní rá̧, ké tí hí̧ nárí̧ hɛ̧ too kuu Gun ná mɛ̌ baa nyá lé?

Têm a Gáŋvbôn ka mûn nɛ́, kaw sa hí̧ têm mûn a manárí̧, ɓá ná kaw ɓá gun a Gáŋvbôn. Dáy ná kaw ɓá gun a Gáŋvbôn lé, tɔ́ʼɔ ɓá, ná kaw ɓá gun nyandal a hɛ̧zíŋa mɛ̌: nyandal a Gáŋvbôn rá̧ nyandal kuu Kiris kɔ́, ɓayhí̧lé, manárí̧ mí tɔ́ʼɔsêe kuu Kiris, ná e kaw kuu mɛ̌ kɔ́ a ɓil hɔ̧́na.

Njukuri ka niŋ ɓá péna a hay mûn a kuriri, kaw ɓá njuku ŋgá̧na a Gáŋvbônri̧, ɓayhí̧lé kú zi tɔ́ŋ sáŋna a Gáŋvbôn nyá, a zi marú̧ nyá.

Nǎŋnɔ́, hɛ̧ri̧ ka Gáŋvbôn mɔny too, zoko, a erú ka nzala kó nâm ka Gáŋvbôn e tɔ́ʼɔ gun a mɛ̌ri̧.

Ná tu ɓá táŋáké, hɛ̧ri̧ ka Gáŋvbôn mɔny too, kaw vúmûn, a kaw tɔ́ʼɔsêe a ŋgɛŋnɛ́, ɓá báŋa wûnynjuku ka kaw mbuŋay.