Popular Bible Verses from Péna a Apotereri 17

Share

Gáŋvbôn niŋ hɛ̧ nɔ́rí̧ too, ɓay njukuri kú ɛ́ nɛ́. Ziŋ nɛ́, mí lá tapát rá̧ kɔ́, kóyálé kú e ziŋ nɛ́. Katína lé, Gáŋvbôn zi kaw ɗí ka njuku a há̧na mbêw a bazeŋ a manárí̧ nyá.

Ké tí a tûl a njuku mbêw, pé a mɔny njukuri too, ka kaw magélri too ka tísiri. Ké ŋgbá fêw kây rá̧ zâl too hí̧ kuriri, a kúŋ kɔ́rɔ́ pûri too, ka njukuri e kawrúy.

Gáŋvbôn ka mɔny tísiri rá̧ hɛ̧ri̧ too ka e a ɓilké, mɛ̌ pé ɓá Gáŋmbây a tísiri rá̧ nûnalêy. Ké zi ná ɓil vûnri̧ ka ndɔ̂ʼɔ njukuri záy yá.

Ɓayhí̧lé Gáŋvbôn tí ŋgbá nâm, a ké e walɓay kɔ̧ tûl a njukuri too ka tísiri ɓá ndáráké ka ŋgboro a njuku a ké ten. Ké tɔ́ʼɔ hí̧ njukuri, ka ŋgboro a toma nɛ́ a bazeŋ a hûlri.»

Nǎŋnɔ́ dáy, ka ná kaw ɓá gun a Gáŋvbôn, sa a goló ɓá, ná zi ná kɛrɛ ɓá Gáŋvbôn ɛ́ŋ hɛ̧ri̧ ka ɓá: vbí̧rí̧lari, lari, malé saw, ka njukuri mbó a ŋgboro a hɛ̧túna rá̧ kɛrɛ a kuriri.