Popular Bible Verses from Roman 14

Share

Mbən kyay kwi cha anó ufon Nwiye mə ma anó imə jəgə nibə nugə. Amə anó imə ghəy unó mbənə ukoʼoro, anó ni mə chomo akə aborobod nə anó ichomo akə iwuʼi numugə mba mə akə ibumi nə Azugə zayn zayn. Amaʼazənə wa mbə sə faʼa abú Kristo akə ukudu inji ŋunə, Nwiye yi wuʼ, anigə ba mbi nibi beni kwi uyə ghəy unó mbənə ukoʼoro.

Mba bə mə ikay, mba yə ikay da iwumini Asɨyisəg. Mba bə ku, mba ku da iwumini Asɨyisəg. Anigə kanə mba mə ikay kə mba ku, mba mə ba Asɨyisəg.

Anigə mba zi atəw ni ghəy amə unó mbənə u mi ghəy kwi mba chomo akə aborobod nibi ni ghəy u mbənə umi ghəy kwi ita fiŋ kara

Mba waʼ anó imə saʼa umba unya. Asɨmə mba num ungɨŋ ita fiŋ kwi cha mba mi ghəy anó nu ami ghəy kwi ungwa unya gow kə u ghəy anó iboŋ.

Ayə ungɨŋ Aŋwaʼanayn Nwiye kwi, “Asɨyisəg ghayn kwi numugə amə ikay, Ba jum umbi zum utəw nwi inyi figi, Ba jum mbi ghayn akə uchəw ma kwi amə Nwiye.” Anigə wa feyn feyn akaʼa inja yi ghayn unó mbənə u ghəy abú Nwiye.

Mbən num ba mbənə ibeni fiŋ ma mə ibó, asɨmə ka mbən mə taŋara ngwən nə úŋwən da ikono moʼ zənə imə abú úŋwən.

Ngwə mə ngiya isob usaʼa igun wa faʼa wa chini? Amə mbaʼ afaʼa ma umi ghayn kwi yə faʼa anji chuŋ kə cha udi faʼ anji chuŋ. Anigə umbi faʼa anji chuŋ damugə Asɨyisəg yə nə ikay ighəy kwi u faʼa anji chuŋ.