Popular Bible Verses from Roman 1

Share

Cha amə aŋu nə indere atəw da ukən uchuŋ, damugə ukən uchuŋ amə ikay Nwiye ichi ba ujum mbənə u beni angəʼ. U yi dey chiyə ba Jû, noʼo akuŋ ichiyə ba mbənə akə ma ba Jû.

Ukən chuŋ wu yə tey umugə Nwiye aghəy kwi ba təm akə inji zənə ikoʼoro abú uŋwən. Amə akə inji zənə ba zi fiŋ inyo Kristo iŋu nwi aba akə inji zənə u zi fiŋ inyo Kristo. Ayə ungɨŋ Aŋwaʼanayn Nwiye kwi, “Wa ŋunə unó ma koʼoro uyi təm anjim ibeni ma.”

Iti Amaʼazənə Nwiye tana isəg, inji ma tənə cha ba mə zənə nə ikay ma zənə itənə akə ighari feyn nu itey kwi uŋwən mə Nwiye, si du zayn abú ba akə inji zənə uzənə u aghəy mbənə u tana. Anigə cha nji amə aghəy wa moʼ ghayn kwi cha idi kyay Nwiye.

Ka nə di ma kwi Úŋwən kyay Nwiye asɨmə cha umə naʼa uma iwumini abú uŋwən kwi uŋwən amə Nwiye, kə inaʼ yə beni ayə abú uŋwən. Umbə kono amə unó ukow anigə fiŋ uma si beŋe sə fire amə firi.

Umbə kyaba asiʼ da Nwiye sə beni amə unó figi. Cha umə wumini uma Nwiye ŋunə u tana u aghəy, asɨmə umbə wumine amə u aghəy mbənə Nwiye tana. Uŋwən amə Nwiye ŋunə umə yere koŋ. Amə nigə.

Nwiye ŋunə umə azobo u yə tey kwi, iyə isɨy item abú ba mbənə cha umə wumine ma uŋwən. U yə nibə isey abú u mbənə umə kyugə damugə ikyugə uma iyə kənə kwi ka ba kyay uma asiʼ da uŋwən.

Numugə umə aghəy ukudu unó uŋu, amə aton zənə Nwiye sayn úŋwən abú anó imə zaŋa injəy ijəgə isəg. Mbə ayey sayn anóm sə niŋe amə nə ayey chini. Amə nibə ichin ichin nu anóm mə sayn ayey sə niŋe amə anóm chini. Umugə cha udi beni uma kwi yə koʼ ikyay Nwiye, Nwiye aghəy kwi úŋwən mə ni ikono iboŋ, da umi mə aghəy unó mbənə cha mbə́ mə́ aghəy.

Úŋwən mbə ghayn kwi umbə ni iwe, asɨmə úŋwən beŋe akə uneŋ. Abú úŋwən imə wumine Nwiye nu cha umi noʼo iku, mbə beŋe sə wumini amə unwiye ibuw ibuw nu u tana u chomo ni wa inyoŋ atəw nu umə ikuw. U mbə nibə wumini inen, nyə̂ foro nə nyə̂ tənə imə chomo ungɨŋ ugwi nə isəg.