Popular Bible Verses from Rom 11

Share

A Vure kunana a viri i ratarike a maki lobo. Ia kunana i nugu a maki lobo na limana, ri tabuli kamumu. A maki lobo ne vona kunana. Si gi kavurikea a rana na parava vakaroro. I muholi.

I muholi hateka! A naro kamumu na Vure, a niluhoi vona, a lohokanga vona, i uka harena! I uka tara viri ge tuveve polo vona a narona Vure, a hini i pelekado e huriki vona.

A ta maea, a vuhuna ni here maea, “I uka tara viri ge lohoka vona a niluhoi ne Bakovi Dagi, I uka tara viri ge takia a Vure a ra ge ratea.”

I mavonga kunana mona. A tara kiroko ne mia i tabana, a Vure i vulaki mia na naro kamumu vona. A Vure i vulaki e huriki, i uka ma i muri mai a vilone ria. I vulaki ria, a vuhuna i ngaru ni rata kamumu ria. Bara i vulaki ria i ramai a vilone ria, ngane i uka ma ge vakasiri a naro kamumu vona.

E huriki a Israel ri manga a kai a oliv ni varo. Mua e huriki a kabu ranga, mu manga a kai a oliv i rike tavula na robo. A Vure i puri vuroki na kai ne huriki a Israel a rahana ranga. I bole mua, i vakamadoko mua na vuhuna. Ngane i tua polo ne mua a totona kai ni varo, re huriki a Iuda. Pali mua, nahea mu gu bibi rike mule mua, mu gu taki ta mu kamumu hateka na maka rahana kai ni puri tala. Mu luhoi kamumu taro. A rahana kai i uka ma i bole doga a kana kai. A kana kai i bole doga a rahana.