Popular Bible Verses from Romanos 8

Share

Wimatlu ptowru potuyako Hoyakalu kamrurewata hixa hihlenu tshinanu, ptowrunek-yine Hoyakalu hamotatshine, Hoyakalu nurrenni. Hoyakalu nuretatkana waleko hkamrure hkamhiywaka tshinanupna.

Hiyáhoni nimatlu hi hipuktshiko, hi hiwekluko, hi hiwejikalurune Hoyakalu towrene tenhohne hajeneko, hi kamtshineko, hi xawakniko, hi hinatshripako, hi towretshriko, hi teno hwatshriko, hi hixa hpuko hwatshriko, hike xye tshiji psoluka hwatshriko hikeklu hohne himukata kotspallexyawu Hoyakalu hamotlewle Wutsrukate Cristo Jesus tshinanu.

Hoyakalu Hiwejikaluru hepixjetwu klu tshinanu himka wimata klunerukta wanjita. Hiyáhoni Hoyakalu Hiwejikaluruko hapohchinikanutlu Hoyakalu hixa tshinanu. Tsru hotshhiruyma ranjitlu Hoyakalu haté tokantshi hi poyaho yanumleta.

Hiyáhoni hanhe wtshina xye chinikantshi tshinanu? Hoyakalu hixa sreta hwini, kathe xawaka himukata kamniretwu?

Hiyáhoni Cristo Jesus munanhalene hi hjihyehitkona Hoyakaluya.

Klu tshinanu hixako wihchinikanu towuxinwu, hipuktshipni seyni Hoyakalu Hiwejikaluru hiwekluni hiyrunu hapnanuhchinikanru reneklewata.

Seyni xyekaka yohnik-hiknohatshinwu wamotjeru tshinanu.

Klu tshinanu nimatlu salewaktshi xye hohnekaka hwatshri hi hpoyaho yapkakletletlu hoyaknutshi hix-yehi hakanhikatshripa.

Rawhe xawaka satu Cristo hamotle konatshri? Rumukathe kojwawnalu, ho kojwakahchinikanutatshri, ho kamnirewlu, ho natshitatshri, ho mamkatu ho kyowikolu ho hinokakaklu hamlenrahe himukata hitspalkakletlu Hoyakalu hamotlewle?

Hoyakalu himathethajitlu yineru. Hiyrunu Hoyakalu himatlu Hiwejikaluru hchinikanu. Hoyakalu Hiwejikaluru, Hoyakalu halujyawak-potuko ranjijetlu Hoyakalu, Hoyakalu kotspalatanune tshinanu.

Klu tshinanu ptowrunek-yine Hoyakalu Hiwejikaluru kosekanna, Hoyakalu whenene rixyawakna tshinanna.

Katukta waleko ralujyawaka homkahita waleko hihchinikanu towutanru. Seyni katukta Hoyakalu Hiwejikaluru halujyawaka homkahita Hoyakalu Hiwejikaluru hchinikanu towutanru.

Hoyakalu hi tshipetawheneta seyni hyokanatlu hixa ptowrunekwu tshinanu. Hiyáhoni hi he Jesus-yma renekanunwu ptowru potuko?

Hiyrunu Hoyakalu Hiwejikaluru hixa wiwejinri repixa wla wtshinyawaka Hoyakalu whenenetkawu. Hiyrun-koxa Hoyakalu whenene wixini, wyoptotanru Hoyakalu himwaleru. Cristo-yma wyoptotanru. Halikaka Cristo pixka wixa salewnalexini wimatan-koxa Hoyakalu hoyaknu wyoptotanu Cristo pixka wixa yoptoletanru.

Hiyáhoni waleko ralujyawaka kamhatshri Hoyakalu hkamnita. Klu tshinanu wan-hixatshri hi yijnakotlu Hoyakalu yonreru. Halikaka wan-hixatshri hi himukata homkahretlu Hoyakalu.

Ptowru potuko Hoyakalu kamhaleru chiretmaklu rakanhiywakna Hoyakalu whenene.

Klu tshinanu wimatlu haté xawakni ptowru Hoyakalu kamhaleru hotshhita tsru katshinoluyma hatatjewa mturu tshino hjemna.