Popular Bible Verses from Marcos 1

Share

Waneya yetshpotukawa hma mumrerekkanuklunuwa hyotunomta ruchpakamta Jesus. Waneya potshkewaka nwaka hya. Wane ranjihohnexya.

Waneya wla htshina: — Rapokpapkolutatka, Hoyakalu pohirewaxyawaka hi howukchinpatkalu. Hehchinikanutanu, halixanru kihle piranalu potuko hiwekkaklewatatshri pirana.

Waneya honha ruchpajyatka waneklukawa retlu hitpukatshri tenhohne. Retlu Hoyakalu Hiwejikaluru motkokoji pixka rixa hijruklemta, wale hohowaka rapoka. Waneya waneylu tokantshi tenhohneyalutu wan-tshinatshri: — Pixni Noturyi nalukanruyi, wale poyikowkakno.

Hita halikakni n-batiza-thi honhaya seyni wale batiza-tanhi Hoyakalu Hiwejikaluruya.

Waneya wane htshinna Jesus: — Hinanu hwahatjinitanno, yine kmariskahohoklerune nixkakanhi. Waneya waneklukawa potuko ruknokamtatkaluna h-tarrafa-tna, romkahitatkaluna.

Waneya rimyekna yine rasruklewle tshinanu. Klu tshinanu Jesus tsru towutatshri pixka rixa hasrukletna, hi kasruklewaklerune hinanchitkaluru pirana hasruklewatatshine pixka rixa hasrukletna.