Popular Bible Verses from Mateus 10

Share

— Nyokanathi hatatjewa ovelha-nhi lobo-ne pixkalune hanikajite hyiywakapa. Hiyáhoni halpokohchinikanutanu himnune pixka seyni myokwirenephi motkokoji pixka.

Katukta haluk-hiwekkaklexinwa, ramtaklewatanun-honuka. Katukta hamtakanru riwekle hita tshinanu riwekanu halikaka.

Hi hpikanna mantshi hiylatatshine seyni hiwejinri hi rumukata hiylaletna. Seyni halikaka hpikanru Hoyakalu hix-mane, hiwejinri koxa hakot-hiylaletatshri waneya wane pnute tshitshmero ruknoklewata.

Hiyrun-koxa katukta h-cruz-te hma mutaykopitkanuklunupa hi rumukata nasrukleru hixleta.

— Katukta hiphujtatno yine jemanu, hit-koxa hiphujtatanru Nuru tenhohne hajeru hetanu. Katukta hi nimathetlu htshinanwakaxinipno, hi nimathetanunhi hixapni ntshinanu Nuru hetanu tenhohneya.

Hitskalakanna yeyixatshine, hiwekkakanna hipnatshine. Hijirohitutatshine hitskalakanu. Kamtshine hiknokanna. Mwenutu xyekaka neneklewata, hix-koxa mwenutu henekanna wanna.

Hiyáhoni hi hpikanu klu tshinanu hixa yáholu satupka yineru tsonu, hixo kochitshine yohnik-hijhakalurni!

— Hixlahe kahwaklu nuna kihle hwachleru nanikanwakaxyawaklu xye tshijne? Seyni hi nuna hihle hwachlu nenejyawakaphi seyni nuna nkotspalaxyawakaphi halikaka.