Popular Bible Verses from Gálatas 6

Share

Hi wamanutanu kihleru wkamhiywaka. Klu tshinanu wma muchotkanuklunuplu wkamhanru, rapokpapkoluxinipa kihleru wamanu.

Hiyáhoni ptowru katako kihleru wixinwa ptowru neruko tshinanupa. Halikak-potu wane wixanna halixlu tshinanu wmoletanune.

Hepixkakanu salewnaluya. Wan-hixinipa Cristo yokanre psoluka kamhatshinetkahi.

Klunerukta rutakanu yineru wale potuko ramanu. Hi hyokwijexinwa. Hi yokwitkalurni Hoyakalu.

Klu tshinanu himane halujyawaka hitakatshri, himane halujyawaka tshinanu hipuktshi ramanu. Seyni Hoyakalu Hiwejikaluru halujyawaka hitakatshri, hiweklu hikeklu hohne mnikawnakatu ramanu.

Cristo tshinanu nmoletanune, satu yineru pupjexini, hixa Hoyakalu Hiwejikaluru munanhatshinhi hepixanru wan-hixatshri, pupjetatshri ruhlewaxyawakapa. Hi heyikanru wan-hixatshri. Hix-nanuko hexinwa, hma yohnixikowakanupa wane pixka hma mixyawakanupa.

Klu tshinanu satu yineru hijhakaluru rikahwajinwa, maka hike, wale nanwaka yokwijexnawa. Hiyáhoni satkaka hitakyahok-kamrurexinwa, kihleru rixini hkamrure waneya rumuwata. Hi pimrine kamrure tshinanu rumuwatanu seyni waleko hkamrure tsonu tshinanupka. Klu tshinanu satkaka yineru waleko hwunru hislahini.