Popular Bible Verses from 2 Tessalonicenses 2

Share

Hike yineru xako yokwijetanhi satkaka pirana tshinanu. Klu tshinanu hi rumukata hapoklehohneta Cristo hapojinri hohne Hoyakalu hiknokatshinetka hixolune yine makanhaknuklunuwa hiyrun-koxa jeji tsru hektunuru makanhaknuklunuwa, hamhikowaka hwatshri.

Seyni wumukata poyahnutletanru Hoyakalu hixa tshinanu Tsru Hixikatshriwa Hoyakalu hamotanune Cristo tshinanu wmoletanune tshinanu. Klu tshinanu hyinuwaklekananuko Hoyakalu nuretatkahi hiwekkajikolupa, Hoyakalu Hiwejikaluru powraxyawakhi tshinanni hiyrunu halikakalutu pirana halixyawaka tshinanni.

Hkamnitanru ptowru hixatshri hoyakalu tshinikatshriwa hiyrunu htserutpiranyehixinwa ptowru hixatshri hoyakalu tshinkalurutka ho himalwutkaluru phuta yohnik-hixahoxikatshriwa. Waneya Hoyakalupji potuko htowutanu, Hoyakalu htshininwa.

Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu, kihle hchinikanurunephi. Wan-hixatshinephi poyehi hchinikanurunephi ptowru kamrurtshi kihleru hiyrunu ptowru tokantshi kihleruya.

Hiyáhoni Hoyakalu wan-hixkakatkana hpupjepotuxyawakapna, weyawlu ralixyawakapna.

Tsru hektunuru tsru kamtshi Satanás tshinkaluru pixkonuymako rapokanu. Ptowru hixatshri pixkontshiyma hiyrunu hetkalurkakayma hyokwirewata himyekaklewatatshriyma. Hamhatshine rakota yokwijretanu ptowru hektuntshi piranayma klu tshinanu hi ralukatkaluna halikakalutu pirana, halukkaluru potuko pirana, riwekkajikowakamkapna, malukkane.

Klu tshinanu hektuntshi kamrure hwamka seyni hi phujetanuwaka rixa kamrurewleta. Seyni rimaletjeru, hpaklu himaletletlu haté hkochtshekoklunupa himaletatshri.